إتعلّم وعلّم

رسالة لكل واحد شغال بره وعايز يتجوز ويبقى يبعت لها بعدين ... عند أمك مشكلة للمرة المليون أقابلها .. ولما فاض بيا كتبت البيه ابن البيه جاي من الخليج ولا من ليبيا ولا دكتور ربنا كارمه وملطوع فى بريطانيا اقتراحات فرنسا وعايز بنت الحلال يشد لأمه مكتوب تحضر لة العروسة ومفيش مانع يبقوا اثنين ثلاثه .. . يجي المحروس يكتب الكتاب ومفيش مانع من دخلة كمان .. ويسيب العروسة عند أمه أو عند أمها أو متشحططة بين الاثنين لحد ما يجيب لها التأشيرة والاستقدام .. ده عند أمك الكلام ده .. المرأة كائن له مشاعر .. البتاع اللي بينبض جوه ده بيحس برضه .. وعاوز كل يوم يتحضن وكل يوم يتقال له صباحك نور .. لما حضرتك بتشعل كل مشاعر المرأة (زوجتك) وبعدين تسيبها وتتزحلق على البلد اللي شغال فيها بيحصل سيناريو من ثلاثة .. وأنا قابلت الثلاث سيناريوهات واللي يقول محصلش هاخده ورا مصنع الكراسي .. السناريو الأول: أنها تلعن وتسب عليك وعلى أهلك لأنها تتمناك كل ليلة ولا تجدك بعدما أشعلتها كامرأة وتندم على اليوم اللي عرفتك فيه لأنك خليتها لا هي امرأة متزوجة في شهورها الأولى التي تشتعل فيها عواطفها ورغبتها لك ولا هي عزباء وراضية بحالها. (والزوجة المحترمة لن تبدي لك هذا ولن تظهره لكن يظهر في شكل حركات وأقوال غاضبة) . السيناريو الثاني: أن تفعل أشياء بنفسها محرمة شرعا حتى تحتمل عدم وجودك. . السيناريو الثالث: أن تجد رجلا سواء تحت مسمى صديق أو زميل أو لطيف خفيف ظريف وتخرج معه عواطفها سواء أكان هذا (ثلاث مستويات) الأول: مجرد لقاء عبر الإنترنت أو الثاني: خروجات تحسسها أنها امرأة أو الثالث: خيانة جنسية كاملة (وقابلت وتعاملت مع الثلاث مستويات عشان محدش يقول مش بيحصل) . شايفك وانت قاعد زي ما يكون فيه مسمار طلع فجأة في الكرسي .. عاوز تقول وأنا اعمل إيه يعني؟ الحل بسيط .. اكتب كتابك ومتتشاقاش لحد ما تسافر وروح اعمل الاستقدام اللي انت عايزه وبأسرع ما يمكن تسعى فيه .. وبعدين تبقى تعمل الدخلة هناك عندك في البلد اللي بتشتغل فيها ويا حبذا لو تيجي ساعة زمان تاخدها من المطار عشان تحس إنها عروسة رايحه مع جوزها مش كرتونة بيض بينقلوها في طيارة .. .. إنما بهدلة بنات الناس بالمنظر ده .. بجد حرام وبشاعة لا يمكن لرجل تخيلها .. انتهت الرسالة واللي مفهمش يبقى لا مؤاخذة **** (حذفت كلمة حمار) أخوكم د.إسلام أحمد عبد الله . شييييييييييييييير لعلها تبلغ أحدهم يحتاجها ************** تعديل بالإضافة ***************** الأخوة الأفاضل اللي بيقولوا لي طب ظروف مصر ودول مش بتقبل الاستقدام نعمل إيه؟ ؟ يبقى كل يوم بالليل قبل ما تنام .. وكل يوم يعني كل يوم .. تتكلم مع زوجتك .. وبركز أنها زوجتك يعني كل شئ فيها حلالك .. وتتكلم ساعة كاملة على الأقل حديث كله سفالة وقلة أدب ما بين مشاعركم والجنس وأحاسيسها ومشاعرها . اللي هيقولي عيب هقوله يبقى غيرك يا حبيبي هيعمل الحوار ده وخليك إنت قاعد في البلد التانية لم الدينار والدرهم .. إنت بتلمه لمين؟ ليها ولأولادك؟ وترجع مجرد هيكل بني آدم بعد كم سنة؟ يا ترجع وتاكلها بدقة على رأي أحد الأخوة على الخاص .. يا تخلي كل الجسور مفتوحة مع زوجتك وبشكل يومي لحد ما هي اللي تستكفى وتقولك مش عايزه الليلة نتكلم .. الموضوع لاهو هزار ولا خفة دم ولا بنقلش ولا بنقل أدبنا .. احنا بنحافظ على بيت مسلم وعلاقة زوجية بتتنيل يوم عن التاني واللي مش عاجبه على رأي الشوام ياكل هوا (مش بيقولوا هوا بس منعا للقرف غيرت الكلمة) أخوكم